বীর ভেইবোনুন

(সংগ্রামী জুম্ম ভেইয়র পয়দেনে দিলুং)

আরেয়েই জুম্ম ভেই কধক আওজর
হাবা-হাবি মারা-মারি অনেই নান্যাচর।
বরকল, কাউখালী, মারিশ্যা আর লোগাং
যে বীর ভেই-বোনুন শহীদ উয়ন, সিগুন এজ দেগং পারাপাং ।
যারা রুয়ন জুম্ম জাত্তরে বাঘ দক্ক্যান ঘিরি
আওজ গল্লেও সেই ভেই-বোনুন নপেবং আর ফিরি।
জিগুনত দ্বারাই চুর-ডাগিত লুগি রুয়ন ওজলেঙ্গোত
সেই চুর-ডাগিদরে হেমা নদোন তারা যেক্কে পিয়ন মোজঙত।
যিগুণ অন্যায় হামানরে ন্যয়ত ফিরি আন্যন
সিগুন জাদর নেতা ইজেবে গদাবেগে মান্যন।
সেই ভেইয়ুন ইক্কুনু নেই কন্না গরিবো হেলা
যুগল-অ ঝাদি ভেইলক এবার আমার পালা।
জধা অনেই বেগে আমি মোজঙ্গেন্দি যেই
সেই ভেয়ুনর রক্ত দাম ফিরি পেবাত্তেই।
বাধা-বিপত্তিত ন’থামেই এজ এগামনে
আত্ত্যার ধর, বেরেক বানঅ পুত্তি জনে জনে।
মনত তুলো বিদি জিয়া রাঙা -কালা দিন
যেক্কে উয়ে দরে হিয়া শিরপানির ঈন।
ঝাদি যুগল-অ রনহাবিনেই যুদ্ধত যেবাত্তেই
ভেইয়ুনর পদে আমিও যেবং স্বাধীনতা পেবাত্তেই।