আওজোবি

ফোদো: নেদত্তুন

স্ববন দেগেচ্‌ পরান মরে আহজি আনিদিচ্‌ মুওত্‌
নাগর কধায় কান ভরেই দিচ্‌ পাং যেন মুই সুওত্‌৤
রাগেচ টানি আহধত ধুরি বজং পদত্তুন
ভাজেই দিবে কোচপানালোই মন রিবেঙত্তুন৤
সবরক ফুলো সান্ন্যাগুরি বুগোত বাঝি থেচ
গদা জনম তর কোচপানার তুমবাচ্‌ ছিদি যেচ৤
কোচপানাগান সিগেয়োচ আর’ সিগেই যেচ
বেগ্‌ আহজিলেও তর জনমত মরে ন’হারেচ্‌৤
পুনংচান য়োই মন আগাশ্চান পহ্‌রগুরি দিচ্‌ তুই
চিত জুরানি তর আহজিবো  দেগং পারা মুই৤
নোনিয়ে সুরে গান শুনেনেই ঘুম আনিদিচ্‌ মরে
ধুরি রাগেচ শক্ত গুরি রোদ-বুয়ের আর ঝরে৤
নু’অ আমলির নু’অ ভাজে সাজেচ জীংকানি
ইক্কো মালাত গাদেই রাগেচ আমা মনানি৤
বারগী পেইগ অই মন আগাজত উরিচ ফাগুনে
দেগঙ পারা ঘুত্তে মুই মুরো তুগুনে৤
এদক্ক্যা গুরি মরে তুই নু’অ জনমত নেজেচ্‌
ঘুরি ঘুরি পিত্তিমিয়ান নু’অ রঙে তুই দেগেচ্‌৤
৤